Mano-Manthan

Kyun main chahoon… Tum mujhe Gale Lagao ?

Kyun Mein Chahoon … Samman Tumse ?

Kya Nahi mere paas,

JO Rakhoon mein tumse Aas ?

Jag nahi paayaa ab tak … HEY MANN ! Tu Nind se ?

Subah hote phir sapna dekhta…

Tumhara-Mera-Hamara Ghar Basta,

Tumhare-Mere  Bachche, Hamare Bachche…

Hum yunhi …

Sapne mein hi Jiya kiye, Sapne mein hi Piya kiye.

Har din ik nayee pyaas,

Har din ik nayee aas,

Aas-pyaas ke bhavsagar mein,  Prabhu ! Tujhe dhundhte duba kiye.

Ees meily chadar ko hatane, itni mehnat itna kshram ?

Kabhi hate, phir phir ghate, Kab hoga yah mel ? bin len-den?

Ek the to do kyuon kiya ? kyun huye ?

Kya hai yeh sab, kyun hai yeh sab ?

Love &  Peace To All

- DR

Samajh yahin se shuru hui hai, Apne aap se guft-e-gu hui hai…..!

Yeh pyaar nahi… jahaan  vaar hi vaar hai,

Yah pyaar nahi … jahaan na etbaar hai.

Yeh Pyaar nahi jahaan khayal nahi tera har pal,

Mange doori aur najdikiyaan sahi na jaye pal-pal.

Milne-bichhdne ki chaah giraa de,

Pyaar-mohabbat ki chaah giara de.

Maan-sammaan ki chaah giraa de,

Ek ek kar har chaah giraa de, ek ek kar chaah mitaa de,

Giraakar mita de, Mitaa de bas mitaa de…..!

Mar-mitengi chaahein jab sabhi,

Tab jo bachega vahi sahi….!

Saath jine ki kasmein-rasmein,

Kaun kiske saath jee rahaa ?

Kaun kiske saath marta hain ?

Mere-tere…Hamaare-Tumhaare,

Mein aur tum ke yeh butwaarein,

Sabb giraa de, Sabb mitaa de !

Sabb- kuchh giraa de,   Sabb-kuchh mitaa de….. !

Love & Peace To All

- DR